Accessibility links

Mondial : Eske Didier Drogba ap jwe nan match kont Pòtigal la demen?

  • Coralie Saint-Louis

Kaptèn ekip foutbòl Kot D’Ivwa a, Didier Drogba, pral deside si l' kapab jwe kont Pòtigal nan match demen an kèk èd tan sèlman anvan 2 ekip yo al rankontre nan premye match yo pou Koup Dimond la.

Jwè 32zan sa a te kase yon zo nan bra dwat li nan denye match amikal ekip la te jwe ak Japon nan peyi Lasuis 4 jen pase a. Li sot entrene de jou youn apre lòt ak ekip la aprè yon operasyon li te fè pou ranje bra a.

Daprè antrenè ekip la, Sven-Goran Eriksson, Drogba ap pran desizyon n' dezèdtan anvan rankont madi a kap fèt nan Port Elizabeth, Afrik di Sid.

Fòk FIFA apwouve kask pwoteksyon l gen nan bral la tou, o ka ou sa ta vin reprezante yon danje pou lòt jwè yo.

XS
SM
MD
LG