Accessibility links

Breaking News

Yon Mach Dewoule nan Miyami pou Denonse Depòtasyon Migran Ayisyen sou Pòtoprens


Imigran ayisyen ki retounen nan kapital peyi yo, Pòtoprens.

Oganizatè mach Miyami an lanse apèl bay gouvènman demokrat ki sou pouvwa a Ozetazini pou mande li bay imigran ayisyen k ap viv ilegalman nan peyi a pwoteksyon kont depòtasyon gras ak pwogram TPS la oubyen pwogram DACA a.

Aprè manifestasyon ayisyen k ap viv Ozetazini yo te òganize nan Wachintonn D.C., madi 21 septanm 2021 an, pou denonse depòtasyon imigran sou Ayiti ke administrasyon Biden nan kòmanse, randevou a pou jounen mèkredi 22 a sete nan Miyami kote plizyè milye moun te pran lari pou yon mach avèk menm objektif la. Nan tèt mouvman an te genyen, antwòt, Marleine Bastien, dirijan FANM (Family Action Network Movement) ki fè konnen rezondèt mach la se denonse sa li rele "yon politik Lèzetazini vizavi Ayiti ki pa nan enterè pèp ayisyen an."

Menm jan òganizatè yo te fè sa nan Wachintonn, yo lanse apèl bay gouvènman demokrat ki sou pouvwa a Ozetazini pou mande li bay imigran ayisyen k ap viv ilegalman nan peyi a pwoteksyon kont depòtasyon gras ak pwogram TPS la oubyen pwogram DACA a.

Klike sou lyen ki pi devan an pou w suiv yon repòtaj Jimmy Jacques sou mach Miyami an.

Ayisyen pran lari nan Miyami pou yo denonse depòtasyon imigran sou Pòtoprens.
please wait

No media source currently available

0:00 0:02:18 0:00

XS
SM
MD
LG