Accessibility links

Mitt Romney Kritike Prezidan Trump pou Fason li Jere Atak Charlottesville la

  • Ekip Sèvis Kreyòl VOA

Ansyen kandida Alaprezidans Mitt Romney nan Inivèsite Utah Salt Lake City, 3 mas 2016.

Mitt Romney ansyen gouvènè Masachousèt e ansyen kandida alaprezidans Etazini pou pati Repibliken an, kritike chèf Deta ameriken an, Donald Trump, vandredi 18 out 2017 la pou fason li jere zak vyolans ki te makonen ak rasanbleman popilè kan sipremasis blan an nan Charlottesville, eta Virjini.

3 moun pèdi lavi yo e 19 lòt blese. Premye viktim lan se yon jèn fi 32 zan ki mouri lè yon jèn òm 20 tan te antre ak machin li sou gwoup manifestan kont rasis yo. 2 polisye Chorlotteville te pèdi la vi yo nan yon aksidan elikoptè ki kraze pandan operasyon sekirite nan manifestasyon yo.

Paran Heather Heyer, jèn fi ki pèdi lavi li nan atak Charlottesville la.
Paran Heather Heyer, jèn fi ki pèdi lavi li nan atak Charlottesville la.

​Kritik Mesye Romey yo vini apre lidè ameriken an fin di madi pase li gaye responsablite zak vyolans yo sou do tou 2 kan yo.

Nan yon deklarasyon ansyen kandida prezidansyèl la poste sou kont Facebook li, li lanse avètisman pou lokatè Mezon Blanch la chanje apwòch politik li si l pa vle dekrete yon rebelyon isit Ozetazini. Mesye Romney kontinye pou l di:

“Kit se sa misye tap chache ou pa, enben kòmantè li yo koze gwo lakontantman lakay blan rasis yo, e lakoz gwoup minoritè yo ap kriye 2 ran dlo nan jé, epi kòmantè sa yo debouche sou yon dèy nan kè Lèzetazini."

XS
SM
MD
LG