Kandida repibliken, Mitt Romney, pibliye rapò sou taks federal li ki montre li te fè plis pase 42 milyon dola pandan 2 ane ki pase yo e li te peye yon afè 6 milyon 200 mil dola taks.
Rapò a mete ansanm lajan Misye Romney ak madanm li, Ann te fè; se ekip kanpay Romney an ki pibliye li. Rapò a mete pousantaj taks li nan 13,9% an 2010, ak espwa pou l peye 15,4% an 2011.
Mitt Romney peye pi piti lajan lontan pase kontribyab òdinè yo paske se nan envestisman li fè pifò lajan li. Kontribyab òdinè yo peye jiska 35% taks.