Accessibility links

Breaking News

Minis Defans Robert Gates ap Vizite Kaboul


Minis Defans ameriken Robert Gates ak Jeneral Petraeus nan Afganistan

Minis defans ameriken an, Robert Gates, debake nan kapital Afganistan, Kaboul, lendi 7 mas 2011 la. Daprè sa otorite Lèzetazini yo di, pandan vizit sa a misye Gates ap konsantre atansyon n sou transfè responsablite sekirite peyi a nan men fòs militè ak lapolis Afganistan, yon transfè ki sipoze kòmanse nan mwa jiyè 2011 la.

Chèf Pentagòn nan genyen pou l vizite divès rejyon kote otorite yo di fòs sekirite afgan yo ap jwe yon gwo wòl nan operasyon militè yo e kote moun kòmanse santi rezilta travay nouvo fòs polis la.

Misye Gates genyen pou l rankontre tou avèk prezidan afgan an, Hamid Karzai, e ak kòmandan militè Lèzetazini ak L’OTAN genyen nan kowalisyon entènasyonal ki nan peyi a.

XS
SM
MD
LG