Accessibility links

Breaking News

Migran Ayisyen Fe Sa Yo Kapab pou Evite Otorite Meksiken Trape Yo


Yon migran Ayisyen mete men anle pandan lap tann pou'l remet dokiman bay reprezantan sevis sosyal Meksik yo, 14 Sept. 2021.

Migran ki te fe pati Karavann otorite nan sid Meksik yo bloke separe yo ak gwoup la pou yo eseye evite pou otorite yo arete yo pandan y'ap pran chemen frontye Etazuni.

Chanel Lebrun, yon Ayisyen te nan karavann nan men li deside separe ak gwoup la pou evite yon konfrontasyon ak lapolis.

Chanel di jounalis Reuters la an panyol ke apre karavan nan kraze yo te kontinye sou chemen yo. Yo deside kite karavann nan paske lapolis ak imigrasyon pat kite yo pase. Li di li pa renmen goumen ak fos sekirite yo. Kidonk li chache yon lot wout pou'l te ka pouse pou pi devan.

Yon lot migran Ayisyen ki tap viv Chili di Reuters li gen fanmi Ozetazuni.

Misye di li te riske lavi'l, lage tet li anba yon pon - bagay yo pata dwe konsa. Mwen ta dwe gen dokiman. Mwen te gen randevou pou al pran pwotokol mwen -- e le mwen rive -- yo fe'm fe la keu depi 5 he di maten epi apre sa yo di'm yo ranvwaye randevou a pou yon lot jou, yon lot semenn, yo pa banmwen yon dat fiks. Yo di'm 8, 10, 12 te gen 3 dat diferan mwen pat konnen kiles ki bon dat la.

Yon timoun Ayisyen repoze nan bra manman ni, nan moman migran Ayisyen yo ap remet dokiman yo bay reprezantan sevis sosyal yo sou plas Benito Juarez nan Tapachula, Meksik, 14 Sept. 2021.
Yon timoun Ayisyen repoze nan bra manman ni, nan moman migran Ayisyen yo ap remet dokiman yo bay reprezantan sevis sosyal yo sou plas Benito Juarez nan Tapachula, Meksik, 14 Sept. 2021.


Migran yo twouve yo nan vil La Choapas kounyea, kote yo pral repoze, resevwa swen medikal epi apre sa reprann wout la.

Kowodonate La Kwa Wouj, Isaias Carmolinga di jounalis Reuters ke vwayaj danjre sa a gen konsekans fizik pou migran kap travese Meksik yo.

Misye di gen pasyan ki gen doule, ple sou pye yo, sa k'ap touse -- nou we anpil timoun ki gen dyare ak la fyev akoz dezidratasyon - kidonk y'ap bwe dlo nempot ki kote yo ka jwenn ni."

Dapre nouvel lokal yo, gen 500 migran ki jwenn mwayen pou yo chape anba men otorite yo epi ateri nan vil La Choapas.

XS
SM
MD
LG