Accessibility links

Breaking News

Meyè Lekòl Samba yo Pran Lari pou Dènye Jounen Kanaval Brezil


Yon dansez lekol samba Agui de Ouro pandan yon parad Kanaval nan vil Sao Paulo, Brezil, Dimanch 24 Avril 2022.

Lekòl Samba pi popile Brezil yo pran lari dènye jounen Kanaval la nan Rio de Janeiro ak Sao Paulo Samdi.

Nan Rio, lekòl Samba Paraiso do Tuiuti te rann omaj a gran pesonaj nwa nan domen la syans, relijyon ak literati.

Kek manm gwoup la te pote foto ansyen Prezidan Etazini Barack Obama, defin Prezidan Afrik di Sid Nelson Mandela, chantez Beyonce ak akte Chadwick Boseman.

"Li le pou nou montre emosyon nou. Mwen trè rekonesan dèske mwen ka rankontre zanmi'm ankò," Luciene ALmeida, manm Lekòl Samba Paraíso da Tuiuti deklare. "Anpil manm ansyen gwoup la pa la ankò, e kèk jèn pa la non plis. Mwen pedi yon zanmi ki gen 23 zan akoz COVID-19. Map patisipe pou li, pou fanmi mwen ak pou asosyasyon sa a ki se yon fanmi."

Tanbourine lekol samba Aguia de Ouro pandan yon parad Kanaval Sao Paulo, Brezil Dimanch 24 Desanm 2022.
Tanbourine lekol samba Aguia de Ouro pandan yon parad Kanaval Sao Paulo, Brezil Dimanch 24 Desanm 2022.

Kanaval Rio a te tanmen ofisyèlman Jedi pase a apre otorite yo te pran desizyon pou yo ranvwaye'l an Fevriye akoz to enfeksyon COVID-19 yo te wo anpil.

Bann kanaval yo te pi piti andeyò Sambadrom nan paske otorite yo pat otorize gwo fèt tradisyonel ki konn fèt nan lari.

"Gen yon bagay trè spesyal. Sa nouri nanm mwen. Se yon bèl bagay ki bawou enèji, se tout bagay.," Kauany de Almeida, yon patisipan nan Kanaval la deklare. "Tèm nou chwazi ane sa a se sispann prejije kont fanm yo, bay medam yo plis pouvwa pou nou ka chwazi sa nou vle, jan nou vle, swa manman pitit oubyen metye pwofesyonèl."

Samdi swa sete denye jou konpetisyon an kote meyè lekòl Samba Rio ak Sao Paulo te prpezante spektak pou detemine kiyès ki chanpyon.

Yo va anonse rezilta yo pi ta semèn sa a.

XS
SM
MD
LG