Accessibility links

Breaking News

Nan Okazyon Fèt Nwèl la, Pap Franswa Voye yon Mesaj Espesyal pou Pèp Ki Andifikilte nan Lemond


Pap Franswa ki leve menm l pou salye odyans avan li te fè diskou Urbi et Orbi , 25 desanm 2019 la.

Nan mesaj nwèl li te adrese a vil li ye a ansanm ak rès mond lan, Pap François te gen yon panse espesyal pou tout moun ki oblije kite peyi yo pou al nan lòt peyi akòz enjistis, epitou pou timoun ki abandone e ki ap sibi vyolans. Pap la tou pwofite pou l voye yon espesyal mesaj nowèl pou tout lidè nan Sid Soudan.

Menm jan Pap la abitye kanpe sou balkon Bazilik Sen Pyè a pou li bay benediksyon Nwèl ak mesaj “Urbi ak Orbi” a Pap François fè konnen lide l frape sou anpil zòn nan mond lan kote ki gen “fènwa akòz konfli ekonomik, jeopolitik, ak ekologik.” Men li di “limyè Kris la pi gran.”

Pap François pale de anpil timoun kap soufri akoz lagè ak konfli nan Mwayen Oryan an e li mansyone peyi Siri, Liban ak Irak. Pap François te pale tou de pèp Afrik la “kote ki toujou genyen pwoblem sosyal ak politik, sa ki lakòz moun yo deplase kite peyi yo, kay yo ak fanmi yo.”

XS
SM
MD
LG