Accessibility links

Diplomat Ameriken Kenneth Merten Di Li Ijan pou Ayiti Gen Nouvo Lidè Eli nan Tout Nivo

  • Ekip Sèvis Kreyòl VOA

Kowòdonatè Kenneth Merten

Kowòdonatè espesyal Depatman Deta ameriken pou Ayiti, Anbasadè Kenneth Merten, lanse yon apèl bay asanble nasyonal la nan Pòtoprens pou mande l pwononse l sou dosye Prezidan Jocelerme Privert la aprè fen manda li selon Akò 5 Fevriye 2016-la.

Anvan Mesye Merten te pale ak Sèvis Kreyòl Lavwadlamerik la (Jean-Pierre Leroy), li te bay yon konferans pou laprès pa telefòn ak divès jounalis sou nesesite pou responsab yo “konplete pwosesis elektoral ki te kòmanse an 2015 la ak bezwen ijan pou Ayiti genyen dirijan ki eli nan tout nivo gouvènman an.”

Kowòdonatè a fè konnen se pa wòl Lezetazini pou li di si wi ou non Misye Privert toujou Prezidan Pwovizwa Ayiti. Daprè li, se palmantè yo ak aktè politik yo ki dwe antann yo sou kesyon sa a. Diplomat la pa bay okenn garanti Lezetazini pral finanse eleksyon KEP a prevwa pou 9 oktob 2016 yo.

Anbasadè Merten ensiste pou l di lap difisil pou Depatman Deta rive konvenk depite ak senatè ameriken yo pou yo apwouve asistans finansye pou eleksyon sa yo aprè Washington te depanse anviwon 33 milyon dola pou eleksyon 2015 yo epi otorite ayisyen yo deside anile rezilta yo.

XS
SM
MD
LG