Accessibility links

Breaking News

Men Kijan Kek Peyi nan Mond lan Selebre Vandredi Sen


Yon priz vi Kolos Wom nan kote Pap Francois prezide seremoni "Via Crucis" (Chimen la kwa) Vandredi Sen, 15 Avril 2022.

Pap Francois prezide yon mès Vandredi Sen solanèl kote li raple dènye hè lavi Jezi Kri, pandan lagè Ikrèn nan jete yon lonbraj sou jounen pi sonb kalandriye Kretyen an.

Francois, ki gen 85 an ap soufri ak yon doulè nan jenou ak janm ki te fè'l bwate pandan mès la nan Bazilik Sen Pyè a. Pap la pral prezide Stasyon La Kwa yo - VIA CRUCIS - ki fèt nan nuit ak bouji pou limen chimen an pandan pwosesyon an ki dewoule nan Kolos Wom nan. Ikrenyen ak Ris va patisipe nan pwosesyon an ane sa a, ki lakoz lidè Katolik Ikrenyen yo pa kontan.

Moun peyi Filipin fwete tet yo pandan yon rit Vandredi Sen pou mande padon pou peche yo nan San Fernando, Filipinn.
Moun peyi Filipin fwete tet yo pandan yon rit Vandredi Sen pou mande padon pou peche yo nan San Fernando, Filipinn.

Filipin

Nan Filipinn, Katolik yo nan Maniy te fwete tet yo nan yon siy devouman pou Jezikri.

Moun ki te deside fè sa di yo kwè li pral geri maladi yo epi padone peche yo.

Legliz Katolik fè konnen li pa dako pou moun ap pini tèt yo konsa e ke li kwè se yon move-entèpretasyon la fwa. Legliz di lapriyè ak mande padon ase pou efase peche, geri maladi e menm akode swè.

Patisipan nan yon pwosesyon Vandredi Sen nan vil Taxco, peyi Meksik.
Patisipan nan yon pwosesyon Vandredi Sen nan vil Taxco, peyi Meksik.

Meksik

O Meksik, Katolik nan vil Taxco selebre Vandredi Sen ak yon pwosesyon ki dewoule nan mitan lanwit kote yo te pote kwa epi fwete tèt yo.

Encruzados yo ( savledi krisifye) te pote b ranch chaje ak pikan ki te tache sou zepol yo.

Chay sa a sipoze montre soufrans Jezikri pandan li tap pote kwa a. Se yon tradisyon ki date jouk nan ane 1622.

Foto Achiv: Stati Jezikri nan legliz Nuestra Senoa del Carmen y San Luis Obispo anba lavil Madrid, Espay, Vandredi Sen.
Foto Achiv: Stati Jezikri nan legliz Nuestra Senoa del Carmen y San Luis Obispo anba lavil Madrid, Espay, Vandredi Sen.

Espay

Ann Espay, fidèl Katolik yo te defile nan lavi Seviy nan sa yo rele "La Madrugada" (Savledi Lob) ki se youn nan pwosesyon pi ikonik fèt Pak la.

Pwosesyon an, ki gen ladann skilpti Jezi Kri ak La Vyèj Mari ak cha te pase nan plizyè vil ak vilaj.

Moun ki tap gade pwosesyon an di yo kontan patisipe ane sa a apre tout restriksyon COVID-19 yo te anpeche yo fete ane pase a.

XS
SM
MD
LG