Accessibility links

Somè Amerikano-Britanik: Prezidan Donald Trump Resevwa Premye Minis Theresa May nan La Mezon Blanch

  • Ekip Sèvis Kreyòl VOA

Prezidan Trump (adwat) ak Premye Minis May pandan yo tap bay yon konferans pou laprès nan La Mezon Blanch vandredi 27 janvye 2017 la.

Prezidan ameriken an, Donald Trump, resevwa premye lidè etranje li nan La Mezon Blanch vandredi 27 janvye 2017 la. Se Thereza May, Premye Minis britanik la.

Pandan Misye Trump tap pale de sa li menm ak Madam May rele “relasyon espesyal ki egziste ant 2 peyi yo”, li ensiste sou enterè ekonimik komen ak prensip 2 pèp yo pataje. Sepandan, bò kote pa l, chèf gouvènman britanik la mete aksan tou sou angajman Prezidan Trump pran pou l apiye a 100 pou 100 Oganizasyon Trete Atlantik Nò a, l'OTAN.

Premye Minis Theresa May (agoch) ak Prezidan Donald Trump ki te kanpe kòt a kòt nan Salon Oval la nan La Mezon Blanch, nan Washington, vandredi 27 janvye 2017 la. (Foto AP/Pablo Martinez Monsivais).
Premye Minis Theresa May (agoch) ak Prezidan Donald Trump ki te kanpe kòt a kòt nan Salon Oval la nan La Mezon Blanch, nan Washington, vandredi 27 janvye 2017 la. (Foto AP/Pablo Martinez Monsivais).

Pandan mwa ki pase yo, Misye Trump te soulve kè-sote lidè yo sou kontinan ewopeyen an avèk kèk deklarasyon kote li te di kòmkwa l'OTAN se yon òganizasyon ki pase e depase, e lòt manm yo fèt pou kòmanse pote kontribisyon ekonomik yo nan travay ki nesesè pou asire pwòp defans yo.

Nan yon konferans pou la près 2 lidè yo bay aprè rankont yo a, Misye Trump di Lèzetazini ak La Grand Bretay se 2 egzanp pwosperite ekonomik ak respè pou eta de dwa nan lemond.

XS
SM
MD
LG