Accessibility links

Breaking News

Manm 4èm Karavan nan Kase Tèt Tounen Tapachula


Mexico Migrant Caravan

Plizyè santèn imigran ki te demare nan 4èm karavan dimanch 28 novanm nan kase tèt tounen nan Tapachula. Migran sa yo, pifò se ayisyen, site kòm rezon pwoblèm ekonomik, dekourajman kòm baz desizyon an.

Manm 4èm karavan nan retounen nan Tapachula apre yo te mache 26 kilomèt pou rive nan vil Huehuetan. Bruno Noel yon ayisyen, ki te pami plizyè santèn imigran, deklare bay ajans nouvèl Associated Press, "m ap retounen nan Tapachula poutèt yo pa okipe n. Bagay yo di, nou razè, pèson pa vle ede nou. Imigran yo bloke trafik sou otowout yo ak espwa otorite yo ap bay yo dokiman legal."

Hugo Cuellar, responsab Enstiti Nasyonal Migrasyon Meksiken vinn isit la nan Huehuetan donk nou dwe pran pasyans. Depi w kòmanse bloke lari ou pa yon imigran ankò men pito yon kriminèl.

Semen pase a otorite meksiken yo te transfere plizyè milye imigran ki te bloke nan Tapachula nan lòt rejyon peyi a ak pwomès pou legalize estati yo.

8 novanm pase a Etazini relouvri fwontyè terès li ak Kanada e Meksik sèlman pou vwayajè ki gen dokiman legal e ki vaksinen. Imigran k ap mande azil yo pa kalifye menm si yo vaksinen. Leo, ki se yon imigran meksiken ansanm fanmi li pat kapab travèse fwontyè a pou vinn mande azil Ozetazini malgre fanmi an te vaksinen.

Prezidan biden te pran angajman pou l retire pifò mezi sou imigrasyon ansyen administrasyon an te adopte. Men jiska prezan pifò pami yo toujou an vigè tankou pwotokol pwoteksyon migran yo (mpp) al tann omeksik ak lwa sanitè tit 42 ki pèmèt administrasyon an depòte imigran k ap chache azil pou limite pwopagasyon covid 19 la.

Responsab Wo Komisarya Nasyonzini pou refijye yo, Filipo grandi menm jan ak militan k ap defann imigran kritike desizyon administrasyon an pran pou l pèmèt yon group imigran ki vaksinen e ki gen dokiman legal travèse fwontyè a pandan ke imigran k ap chache azil yo pa kapab menm si yo vaksiken.

Mwen gen tèt chaje kontèks politik la fò anpil e pou administrasyon sa a li kapab difisil pou l fè bon chwa li vle a. Responsab la ajoute etazini dwe asire l imigran yo swiv etap la lwa prevwa avan depòtasyon –donk yo dwe prezante devan yon jij pou eksplike rezon y ap chache azil.

Meksik dwe ofri imigran yo, ki pa refijye pou pifò, altènativ sitou sila yo ki soti ann ayiti e ki rive sou fwontyè Etazini. Gad fwontyè yo te pèmèt yon ti ponyen imigran ki te rive sou fwontè a mwa septanm pase a antre nan peyi a san dokiman legal. Imigran sa yo gen 2 mwa pou prezante devan yon ofisye imigrasyon ki kapab defere yo devan yon jij k ap gen pou l yon desizyon final.

XS
SM
MD
LG