Plizyè milye manifestan anti-gouvènmantal toujou pran pozisyon jedi 10 fevriye 2011 la sou Plas Liberasyon an e ozalantou palman an nan kapital la, Lekèr, pandan y ap kontinye yon mouvman leve-kanpe pou fòse Prezidan Hosni Mubarak kite pouvwa a.
An plis manifestasyon pwolonje sa a nan kapital la, opozisyon an ap sèvi kounyela a ak aksyon ki kapab afekte aktivite travay atravè tout peyi a, aksyon ki genyen move konsekans sou aktivite touristik, operasyon izin tektil la, sikilasyon tren e menm travay nan nivo biwo piblik yo.
Manifestan yo ap fè presyon pou yo jwenn demisyon Prezidan Mubarak ki sou pouvwa a depi prèske 30 tan, pandan y ap mande tou demisyon yon seri de manm palman an ki te eli nan fen ane pase a nan yon eleksyon yon gwo pati nan pèp la denonse kòm eleksyon ki te chaje ak koken an favè pati ki sou pouvwa a.