Accessibility links

Breaking News

Lèzetazini Lanse Lotri Viza Divèsite a pou Ane 2020


Diversity Visa lottery 2018

Plizyè dizèn milye moun atravè lemond pral rapouswiv rèv ameriken yo pandan mwa doktòb 2018 la apre Depatman Deta (Ministè Afè Etranjè Lèzetazini) fin ouvè lotri anyèl pou rezidans la (the annual green card lottery) ki rele tou “lotri divèsite a”.

Pòtpawòl Depatman Deta a –ki t ap pale sou sijè a madi 2 oktòb la- te fè konnen otorite yo lanse lotri viza a ki mete yon afè de 50,000 (50 mil) viza disponib pou ane fiskal 2020 an e yon moun kapab genyen o-aza.

Lèzetazini ofri viza sa yo nan kad yon pwogram ki rele “Viza Divèsite Pou Imigran” pou etranje ki te pran nesans nan youn nan 6 rejyon jewografik. Pi ta yo pral chwazi o-aza kandida k ap resevwa viza yo.

Enskripsyon sou entènèt la pou lotri viza 2020 an kòmanse mèkredi 3 oktòb la e li pral pran fen nan dat 6 novanm pwochen. Okenn peyi pa kapab resevwa plis pase 7% viza yo. Depatman Deta pibliye sou entènèt la lis peyi ak rejyon kote moun elijib yo. Se konsa tou moun ka jwenn sou twal la entriksyon ki ka gide yo pou yo aplike ak adrès elektwonik/paj entènèt kote yo ka kòmanse pwosesis aplikasyon reyèl la. [[ https://www.dvlottery.state.gov/(S(vw3fx5noai4j22rorevhwjos))/default.aspx ]]

Yon sitwayen Peyi Kanbòdj ki t ap tcheke rezilta Lotri Viza Divèsite a pou ane 2019 nan anbasad amerikèn nan nan vil Phnom Penh.
Yon sitwayen Peyi Kanbòdj ki t ap tcheke rezilta Lotri Viza Divèsite a pou ane 2019 nan anbasad amerikèn nan nan vil Phnom Penh.

Lèzetazini te lanse pwogram sa a sa gen 30 lane dekwa pou ogmante divèsite pami imigran k ap vini nan peyi a. Pou yon moun aplike, se pou l pa genyen yon manm fanmi oubyen yon patwon travay ki ta kapab aplike pou li; oubyen tou se pou moun nan pa yon refijye. Kondisyon pou yon moun kapab patisipe: se pou l fini etid segondè li epi fòk li te pase 2 zan ap travay.

XS
SM
MD
LG