Accessibility links

Breaking News

Livrezon Petwòl Reprann Ann Ayiti Apre Manifestasyon


Yon mesye pote yon galon gazolin ki vid pandan lap pase bo kote yon stasyon gaz ki femen nan Potoprens, Ayiti, 13 Jiye, 2022.

Prensipal tèminal gaz Ayiti a reprann operasyon Jedi, prèske yon semèn apre zak vyolans gang yo te fòse yo sispann livrezon petwòl epi deklanche yon pakèt manifestasyon nan kapital la, Pòtoprens.

Devlopman sa a siyale omwens yon ti soulajman nan batay ant gang rival yo pou kontwol Cite Soleil, yon katye defavorize nan Potoprens.

Militan dwa moun yo di yon afè de 90 moun mouri depi zak vyolans yo pete semèn pase a, e gen yon katye ann antye ki bloke san aksè ak dlo potab ni manje.

Temwen rapote kout zam te marye jodia, e li poko klè si gang rival yo sispann ostilite yo.

Operatè tèminal Varreux, kite sispann operasyon li semèn pase a akoz zak vyolans yo deklare sou Twitter ke yon kamyon kap transpote petwol enpote livre yon kagezon Mèkredi e ke gen yon dezyèm kamyon kap fè mèman parèyman Jedi.

Kamyon yo komanse rive nan tèminal la, dapre yon sous ki byen ranseye sou sityasyon an.

Biwo premye minis la pat reponn demann Reuters te fè pou komantè sou kestyon an.

Rezo Nasyonal Defans Dwa Moun (RNDDH) yon oganizasyon kap defann dwa moun ann Ayiti deklare nan yon rapo li pibliye Mèkredi ke gen omwens 89 moun ki mouri nan zak vyolans yo.

Pastè Jean Enock Joseph deklare Madi nan katye Brooklyn nan Cite Soleil ke yo konplètman izole akoz batay gang yo. Medsen San Fwontyè di wout ki mennen nan katye sa a chaje ak kadav ki swa ap boule oubyen dekonpoze.

Zak vyolans gang yo ogmante 17 wotè depi asasina Prezidan Jovenel Moise ane pase a, sa ki vinn kreye yon vid politik ke gwoup kriminèl yo pwofite sèvi pou louvri zèl yo pi plis nan kapital la.

Batay ant gang yo dewoule pi souvan, e militan yo te di nan mwad Me a ke nan yon konfwontasyon gen 150 moun ki te pèdi lavi yo.

XS
SM
MD
LG