Accessibility links

Sit-In nan Kongrè Ameriken an – Demokrat yo ap Fè Presyon pou Plis Kontwòl Zam

  • Ekip Sèvis Kreyòl VOA

Foto video sa a montre depite Eta Jòji a, John Lewis, ki te nan tèt plis pase 200 palmantè Demokrat kap egzije yon vòt nan Chanm Bas la sou kèk nouvo pwopozisyon-lwa pou ranfòse tchèk sou dosye pèsonèl moun yo sispèk kòm teworis epi anpeche yo achte zam. (Foto AP, 22 jen 2016).

Ozetazini, avèk eslogan "Si pa gen lwa sou kontwòl zam, pa gen vakans pou palmantè", manm Demokrat chanm bas Kongrè a te kontinye, mèkredi 22 jen 2016 la, avèk yon sit-in yo òganize pou yo mande yon vòt sou yon pwopozisyon-lwa pou mete plis kontwòl sou lavant zam ak senp sitwayen nan peyi a anvan yo pran vakans nan okazyon fèt endepandans 4 Jiyè a.

Pwotestasyon sa a -ki gen nan tèt li Depite John Lewis-- te kòmanse byen bonè nan jounen an. Palmantè Lewis te patisipe nan sit-in konsa ki te fèt nan ane 60 yo kote lidè mouvman dwa sivik yo te pwoteste kont segregasyon rasyal nan kafeterya inivèsite yo, nan restoran ak lot etablisman piblik. Nan yon moman nan sit-in nan, Depite Lewis te deklare:

“ Nou wè yap rabese moun kap reklame amelyorasyon ki baze sou bon sans; yap kritike larezon. Yap bat bravo pou tout blokaj kont efò kap fèt pou nou kontwole zam. An n sonje sa k te pase nan Newtown, nan Aurora, nan Charlestown, nan Orlando. Kisa k pou reveye nou anfen? Eske nou evèg?”

Se Depite Donna Edwards (adwat) ki pibliye foto sa a sou kont twitter li. Li montre kèk manm demokrat Chanm Bas Kongrè ameriken an kap patisipe nan sit-in nan (pami yo genyen Madam Edwards ak Depite John Lewis (agoch).
Se Depite Donna Edwards (adwat) ki pibliye foto sa a sou kont twitter li. Li montre kèk manm demokrat Chanm Bas Kongrè ameriken an kap patisipe nan sit-in nan (pami yo genyen Madam Edwards ak Depite John Lewis (agoch).

Kèk èd tan apre Misye Lewis te fin pale konsa e devan ogmantasyon kantite palmantè ki te pote-kole ak pwotestasyon an, prezidan Chanm Bas la, Paul Ryan, te mande depite yo retounen nan sal odyans la pou yo te vote sou yon sijè ki pat gen rapò ak kontwòl zam. Li te atire atansyon sou diferans ki genyen ant libète lapawòl yon palmantè ak dekowòm ki dwe egziste nan Kongrè a. Misye Ryan di:

“Mwen apresye le fèt ke manm Lachanm nan kapab gen diferans antre yo sou kesyon politik, sou kesyon akministratif epi yap chache eksprime opinyon diferan yo. Men, mwen espere tou nou dwe fè travay Lachanm nan yon fason ki gen diyite ak dekowòm ladan n, jan sa dwe fèt nan yon enstitisyon kouwè pa nou an.”

Malgre apèl Misye Ryan nan, depite demokrat yo te kontinye pwotestasyon yo a avèk menm eslogan: “Si pa gen lwa sou kontwòl zam, pa gen vakans pou palmantè...” pandan yo tap montre apresyasyon yo pou yon gwoup moun ki te vin apiye yo avèk pannkat ki te gen sou yo non ak foto moun ki te viktim vyolans ki makònen ak zam nan sosyete amerikèn nan.

XS
SM
MD
LG