Accessibility links

Breaking News

Lèt Tou Louvri Pou Mande La Frans Remèt Ayiti Dèt Endepandans la


Lèt Tou Louvri Pou Mande La Frans Remèt Ayiti Dèt Endepandans la

Yon gwoup ekriven ak chèchè inivèsitè entènasyonal lanse apèl bay Lafrans pou yo mande l remèt Ayiti 21 milya dola li te fòse peyi a peye li pou l te rekonèt endepandans Ayiti sa genyen 200 zan.

Gwoup la, ki genyen ladan n tou jounalis ak manm palman ewopeyen an, lanse apèl la bay prezidan fransè a, Nicolas Sarkozy nan yon lèt tou louvri ki parèt lendi 16 out la nan jounal fransè Libération.

Lenguis ameriken Naom Chamsky ak lòt pèsonalite ki siyen lèt la fè konnen Lafrans ta fèt pou remèt Ayiti dèt endepansans la, lè w konsidere bezwen ijan peyi sa a genyen pou l leve anba move konsekans tranblemanntè ki te frape l nan mwa janvye pase a.

Siyatè lèt la fè konnen yo konsidere egzijans Lafrans te fè Ayiti pou l peye dèt endepandans li nan 19èm syèk la, --kòmkwa pou dedomaje pwopriyetè esklav ki t ap chache konpansasyon-- ebyen, yo konsidere egzijans sa a kòm yon aksyon ilejitim e ilegal.

Yon lòt kote, kèk kritik fè konnen donatè entènasyonal yo pa rive kenbe pwomès yo te fè pou yo ede Ayiti, kote tranblemanntè a te touye yon afè de 230 mil moun e koze 7 milya dola dega.

XS
SM
MD
LG