Accessibility links

Lavwadlamerik Selebre 70 Zan

  • VOA Nouvèl

Direktè Jeneral Lavwadlamerik la, David Ensor, dirije seremoni ki te fèt nan jounen mèkredi 7 mas 2012 la pou komemore 70èm anivèsè Lavwadlamerik.

Direktè Jeneral Lavwadlamerik la, David Ensor, dirije seremoni ki te fèt nan jounen mèkredi 7 mas 2012 la pou komemore 70èm anivèsè Lavwadlamerik.

Prezidan ameriken an, Barack Obama ak divès lòt gwo pèsonalite pote kole pou swete Lavwadlamerik bòn anivèsè nan okazyon selebrasyon 70 dyèm ane fondasyon estasyon an ane sa a.

Prezidan Obama felisite Lavwadlamerik kòm yon sous enfòmasyon “objektif” anfas gouvènman etranje k ap mete baboukèt nan bouch laprès ak rejim k ap pase anba pye dwa inivèsèl kretyen-vivan.

Nan yon mesaj li anrejistre nan okazyon yon seremoni ki dewoule nan katye-jeneral estasyon an, nan Washington, Chèf Mezon Blanch lan di Lèzetazini pi “fò e lemond pi jis gras ak efò” Lavwadlamerik

“Bonswa tout moun san wete youn k ap travay nan Lavwad Lamerik ; Felisitasyon pou 70 zan sèvis ekstraòdinè n ap bay peyi a. Depi premye pwogram ki te antre nan lè a, pandan dezyèm Gè Mondyal la, e depi dat sa a, Lavwadlamerik rete Vwa Libète."

Bò kote pa li, sekretè Deta Hillary Clinton, salye memwa yon jounalis Pakistanè ki t ap travay kòm korespondan pou Lavwad Lamerik e ki pèdi lavi l pandan li t ap "pote enfòmasyon objektif e jis" sou sa k ap pase nan rejyon sa a.

Prezidan Obama felisite Lavwad Lamerik kòm yon sous enfòmasyon “objektif” anfas gouvènman etranje
Prezidan Obama felisite Lavwad Lamerik kòm yon sous enfòmasyon “objektif” anfas gouvènman etranje

"Jodi a, n ap rann Omaj bay Mukarran ak tout lòt manm fanmi Lavwadlamerik la ke nou pèdi, malerèzman e trajikman, pandan ane ki pase yo. Nou fyè e nou rekonesan pou travay “yo te fè”. Plizyè fwa, nou te defye gouvènman k ap chèche bloke siyal nou, ki travèse rido an fè yo ak bwouyaj elektwonik pou flanm limyè libète valè demokratik yo kontinye pran jarèt."

Lidè mouvman pwo-demokrasi Birmani an, Auung San Suu Kii deklare 70èm anivèsè Lavwadlamerik la se kòmkidire anivèsè yon zanmi pou li; li deklare Lavwad Lamerik ak lòt estasyon li te abitye koute pandan tout ane li te pase nan rezidans siveye yo se zanmi l yo te ye.

Lavwadlamerik Selebre 70 Zan
Lavwadlamerik Selebre 70 Zan

Lidè spirityèl Tibè a, Dalai Lama, deklare sèvis Tibeten Lavwadlamerik la te jwe yon wòl enpòtan (kapital) nan difize nouvèl san passpouki pou tibeten yo; Li di li kwè medya tankou Lavwadlamerik yo “enpòtan anpil” nan mond n ap viv la.

"Mwen sonje trè byen, yon nuit byen klè , yon 17 mas 1959, lè mwen te sove kite Palè Norbulinka a nan Lhasa. Jou sa a e pandan tout lòt jou apre ki te kondi nou nan peyi End lan, responsab sekirite m nan te koute chak jou emisyon Lavwadlamerik yo pou l te kapab genyen nouvèl sou sa k ap pase nan Tibè."

Gouvènman ameriken an te kreye Lavwadlamerik pandan dezyèm Gè Mondyal la pou difize nouvèl nan tèritwa ki te anba okipasyon Almay nazi a. Jodi a, Lavwadlamerik tounen yon ògàn nouvèl miltimedya ki difize nouvèl nan plis pase 40 lang (pami yo kreyòl ayisyen an) e ki genyen yon oditwa yo estime a 140 milyon moun.

XS
SM
MD
LG