Accessibility links

Larisi-Eleksyon: Pati Prezidan Vladimir Putin nan Sibi kèk Gwo Defèt nan Lejislativ yo

  • VOA Nouvèl

Kèk semèn anvan dewoulman eleksyon an, analis yo te prevwa rezilta yo ta pral montre yon bès nan popilarite pati ki sou pouvwa a; daprè yo, sa reflete mekontantman pèp ris la devan gwo diferans ki egziste ant sitwayen ki rich yo ak sila ki pòv yo

Nan Larisi, pati ki sou pouvwa a, Pati Larisi Ini an (pati Premye Minis Vladimir Putin nan) sibi yon seri de gwo defèt nan eleksyon palmantè ki dewoule dimanch 4 desanm 2011 la ; sa vin redui majorite li te genyen nan palman an. Se konsa tou rezilta sa yo fè wè pèp ris la ap pran distans li ak yon moun k ap domine politik peyi a depi plis pase 10 zan.

Rezilta yo montre Pati Larisi Ini an pral genyen 238 syèj nan Douma a (chanm bas palman an ki genyen yon total de 450 plas) alòske pati a te ranpòte 315 syèj nan dènye eleksyon yo. Kominis yo, ansanm avèk Pati Demokratik Nasyonalis Liberal la, epi Pati Jistis pou Larisi a (yon pati sosyal-demokrat), ranpote kèk gwo viktwa, sa ki pral oblije pati ki sou pouvwa a antre nan yon kowalisyon ak kèk nan pati opozisyon an.

Prezidan ris la, Dimitri Medvedev, pale pou l di :

“Se Demokrasik ki ann Aksyon. Pati nou an fè bèl figi; an fèt, se yon pati ki reprezante 50 pou san popilasyon an. Men, ann rete tann yo pibliye rezilta final yo. De tout fason, kèlkeswa sa rezilta sa yo bay, se demokrasi kap avanse."

Kèk semèn anvan dewoulman eleksyon an, analis yo te prevwa rezilta yo ta pral montre yon bès nan popilarite pati ki sou pouvwa a; daprè yo, sa reflete mekontantman pèp ris la devan gwo diferans ki egziste ant sitwayen ki rich yo ak sila ki pòv yo

XS
SM
MD
LG