Nan kad ankèt sou swadizan aksyon Larisi kòmkwa li ta enfliyanse eleksyon prezidansyèl 2016 la Ozetazini, Jared Kushner, bofis e konseye Prezidan Donald Trump, aksepte pou reponn kesyon Senatè yo dapre Lamezon Blanch.
Mesye Kushner se alye ki pi pwòch Mesye Trump ki pwal reponn kesyon deja devan Komisyon Ransèyman Sena a, kap mennen ankèt sou koneksyon ant asosye Mesye Trump yo ak otorite Larisi yo.
Komisyon Sena a vle konnen plis sou 2 reyinyon Mesye Kushner nan mwa Desanm ane pase ak anbasadè Larisi Ozetazini an, Sergey Kislyak, dapre jounal New York Times ki te premye bay nouvèl la.