Accessibility links

Breaking News

Lame Kore di Sid Fè Egzèsis ak Zam Tout Bon


Prezidan Kore di sid la bay tout gouvènman ni an pou yo rete a latant dijans aprè egzèsis militè ki te fèt ak zam tout bon vre sou yon distans kèk kilomèt a kote Kore di Nò.

Sepandan, Pyongyang fè bak ak menas li te fè pi bonè pou di li t ap gen yon repons katastrofik pou egzèsis sa a.

Pyongyang di pa entèmedyè ajans nouvèl leta a ke sa pa vo la pènn pou l reyaji pou egzèsis sa a.

Kore di Sid te deplase rezidan li yo pou mete yo nan yon seri abri anba té ak avyon konbatan an preparasyon pou egzèsis lendi 20 desanm 2010 la sou zile Yeon-pyeong .

Jounalis ki te nan abri anba tè yo di yo te ka santi latè k ap tranble pandan tire a.

Yon lòt kote , ansyen diplomat ameriken Bill Richardson di li asire yon antant avèk Kore di Nò pou pèmèt enspektè nikleyè Nasyonzini Pyongyang te ekspilse nan ane 2009 yo retounen nan peyi a.

Mesye Richardson fè anons antant sa a menm jou lendi a pandan 4èm jou yon vizit prive l ap fè nan kapital Nò Koreyen an ak objektif pou bese tansyon sou preskil koreyen an.

Mesye Richardson se yon ansyen anbasadè Etazini nan Nasyonzini, kounye a li se gouvènè Eta ameriken Nouvo Meksik

XS
SM
MD
LG