Accessibility links

Breaking News

La BID ak Lespay ap Bay Ayiti 20 Milyon Dola Pou Konbat Epidemi Kolera a


Nan yon nòt pou laprès ki soti, Bank Devlopman Entè-ameriken an (BID) ak gouvènman peyi Espay la pral bay yon don 20 milyon dola pou ede Ayiti konbat epidemi kolera a ki pran lavi plis pase 2 mil 300 moun depi finisman mwa oktòb la.

La BID apwouve yon don 15 milyon dola pandan Fon Gouvènman Espayòl pou Dlo ak Sanitasyon nan Amerik Latin nan ak Karayib la pwal bay yon don 5 milyon dola pou pwogram nan Ministè Sante Piblik ak Popilasyon Ayisyen (MSPP) pwal ekzekite, ansanm ak Ajans ayisyen pou Kontwòl Dlo ak Sanitasyon ki gen ti non DINEPA, ak UNICEF.

Don an pwal pèmèt Ministè Sante Piblik ayisyen an ak Popilasyon ak patnè li yo tabli e dirije yon rezo 2 mil pòs sewòm oral, 190 sant pou tretman kolera, ak 10 sant pou tretman maladi a nan zòn ki gen pi gwo ijans yo, tankou katye pòv sou lakòt yo nan Pòtoprens.

XS
SM
MD
LG