Accessibility links

Breaking News

2 Lòt Manm Gwoup K-Pop BTS la Teste Pozitiv pou COVID-19


BTS sou tapwi wouj la anvan konse Jingle Ball iHeartRadio a nan Inglewood, Kalifoni, 3 Dec. 2021.

Gen 2 lòt manm gwoup K-Pop popile BTS la ki teste pozitiv jodi Samdi a pou COVID-19, apre yo te vwayaje Kore di Sid apre yo te prezante premye konse yo depi pandemi a kòmanse.

Dapre Big Hit Music, konpayi ki jere gwoup la, rapè RM ki gen 27 an, epi chantè Jin, ki gen 29 an teste positiv yon jou apre konpozitè gwoup la Suga ki konn rape tou pou gwoup la, ki gen 7 manm te teste pozitiv.

Tou le 2 mizisyen yo te pran dezyèm piki COVID-19 yo nan mwad Out la, konpayi yo a fè konnen.

Depi gran debi yo an 2014, BTS deklanche yon veritab foli global pou gwoup K-Pop yo, gras ak mizik yo api koregrafi dans yo, ansanm ak pawòl chante yo epi kanpay rezo sosyal ki vize bay jenès la plis pouvwa ak espwa.

Konsè yo te bay Ozetazini sete premye spektak yo depi 2019 lè yo te fè vire won pou prezante konsè ann Azi, Ewop epi Amerik di Nò.

RM (vre non ni se Kim Nam-joon ak Jin (ve non ni se Kim Seok-jin) te teste negatif pou COVID-19 lè yo te tounen Kore di Sid pi bonè mwa sa a.

RM, te teste pozitif pandan li tap pare pou'l kite karantèn mandatwa a, san li pat gen oken sentom maladi a, dapre Big Hit Music.

Jin limenm te teste negativ 2 fwa, kidonk li te kite karantèn nan, men doktè te dekouvri li gen COVID-19 apre li te komanse resanti kèk sentom ki te leje.

Ni Jin, ni RM pat gen kontak ak okenn lòt manm gwoup la apre yo te tounen Kore di Sid, dapre konpayi a.

BTS gen yon chante ke yo anrejistre ak Halsey ki rele "Boy With Luv" ki popilè anpil, e nouvo hit yo a se yon chante yo anrejistre ak gwoup Coldplay la, ki rele "My Universe".

XS
SM
MD
LG