Accessibility links

Breaking News

Mwayen Oryan

Kowonaviris la Gen Konsekans Ankò sou Fèt Nwèl la nan Bethlehem

Djaz Palestinyen mache nan yon parad sou plas ki devan Legliz Nativite a, kote yo kwe Jezikri te pran nesans, anvan selebrasyon Nwel yo nan Bethlehem, Riv Oksidantal, Vandredi 24 Dec. 2021.

Mizisyen ki tap bat tanbou epi jwe enstriman te defile nan vil biblik Bethlehem jodia, yon bagay ki te bay ti foul moun ki te sou plas anpil kè kontan.

Te gen yon melanj konvivyalite ak restren Vandredi nan selebrasyon ki dewoule toupatou nan mond lan lavèy fèt Nwèl la akoz kowonaviris la.

Restriksyon vwayaj Israel enpoze yo te lakoz touris entènasyonal yo patka al selebre fèt la ane sa a. Se dezyèm ane sa fèt.

Règleman sa yo gen kòm bi pou anpeche varyan omicron an ke moun ka trape fasil gaye sou teritwa a.

Otorite yo ap konte pito sou ti kominote Kretyèn Tè Sent la pou bay moun kè kontan.

Se yon tèm nou konstate toupatou nan mond lan kote popilasyon an bouke ak restriksyon prekosyon kowonaviris yo, kidonk yap chache mwayen pou yo reprann tradisyon ke yo patka jwi ane pase a.

See all News Updates of the Day

Etazini Mete Nouvo Restriksyon Komèsyal sou 7 Gwoup an Iran

Lapolis anti emet flote drapo Iranyen an pandan yon selebrasyon nan lari apre Iran kale Peyi de Gal nan Mondyal Foutbol Qatar la, 25 Nov. 2022 nan Teheran, kapital Iran.

Etazini mete madi nouvo restriksyon komèsyal sou 7 gwoup nan Iran poutèt yo pwodui drone ke LaRisi anplwaye pou atake Ikrèn, dapre Depatman Komès Etazini.

Etazini ajoute Konpayi yo ak lòt òganizasyon sou yon lis pou kontwòl ekspòtasyon kont konpayi ki angaje nan aktivite ki kont enterè sekirite nasyonal Etazini ak politik afè etranjè li.

Nouvo lis Depatman Komès Etazini an parèt nan yon tèks preliminè sou U.S. Federal Register, ki se jounal ofisyèl gouvènman an, e li ap parèt ofisyèlman nan jounal la jodi mèkredi a.

Iran Enpoze Sanksyon Sou 34 Moun Nan Inyon Ewòp la

Iranian President Ebrahim Raisi meets with the families of security forces killed during Iran's protests, in Tehran

Iran enpoze sanksyon ayè mèkredi a sou 34 moun ak gwoup nan Inyon Ewòp la ak nan Grand Bretay kòm reyaksyon pou mezi menm jan an ke yo pran poutèt repons Teheran pou manifestasyon ki la depi dè mwa a.

Aksyon Teheran an vini 2 jou apre Inyon Ewòp la ak Grand Bretay sot pran yon lòt seri sanksyon kont Repiblik Islamik la ke manifestasyon ap sakaje depi lanmò Mahsa Amini 16 Septanm pase.

Amini, yon Kurd Iranyen 22 zan mouri anba men lapolis apre li te fin jwenn arestasyon l poutèt li ta vyole regleman sou jan fanm dwe abiye nan peyi a.

Pami sanksyon ke Teheran pran yo, li bloke kont an bank ak tranzaksyon ak bank nan Iran e li “entèdi viza ak antre » nan Iran, dapre ministè afè etranjè a.

Iran akize kèk moun ak òganizasyon kòmkwa y ap « sipòte aktivite teworis ak gwoup teworis, ankouraje moun komèt zak teworis ak vyolans kont moun nan Iran. »

Li akize yo kòmkwa y ap antre nan zafè andan Iran e chofe vyolans e gaye fo enfòmasyon sou Iran. »

Palestinyen yo di Twoup Izrayelyen Touye 9 Sitwayen

Israel Palestinians

Otorite Palestinyen yolanse akizasyon pou di fòs Izraelyen yo touye omwen 9 Palestinyen e yo blese plizyè lòt pandan yon atak nan Riv Oksidantal la. Sete youn nan atak ki pi mòtèl ki dewoule sou teritwa a e li te ogmante risk pou gwo tansyon ant Izraelyen yo ak Palestinyen yo rekòmanse.

Kout zam te mare apre militè Izrayelyen yo te mennen yon operasyon pandan jounen an nan kan refijye Jenin ke yo te di te gen entansyon lanse yon atak iminan kont Izrayelyen yo.

Minis Defans Izrayelyen an, Yoav Gallant, te dirije fòs yo nan Riv Oksidantal la ki sou fwontyè Izrayèl ak Gaza.

Direktè IAEA Rafael Grossi Pwal Vwayaje nan Iran

IAEA Director General Rafael Grossi holds a news conference on the opening day of a quarterly meeting of his agency's 35-nation Board of Governors in Vienna, Austria, Nov. 16, 2022.

Alatèt ajans Nasyon Zini ki ap swiv aktivite nikleyè a fè konnen li pwal vwayaje nan Iran, nan mwa k ap vini an ak espwa pou relanse akò 2015 ki te chache redui aktivite nikleyè Iran yo.

Direktè-jeneral Ajans Entènasyonal Enèji Atomik, Rafael Grossi, ki t ap pale madi nan Briksèl devan kèk manm sou-komite pou sekirite ak defans nan Palman Inyon Ewòp la, di Repiblik Islamik la pwodui 70 kilogram iranyòm ke li anrichi jiska 60 pousan, anplis de mil kilogram ke li anrichi jiska 20 pousan, ki « se ase materyèl nikleyè pou fabrike plizyè zam nikleyè – men li pako ka fè youn pou kounyea. »

Nivo rafinman iranyòm pou fè zam nikleyè a, dapre ekspè-yo, se 90 pousan. Men Grossi di gwo pil iranyòm anrichi ke Iran genyen an pa vle di li gen ase pou zam nikleyè.

Grossi di tou Ajans Entènasyonal Enèji Atomik la ki gen ti non ann angle IAEA pa swiv ankò pwogram nikleyè Iran an paske rejim nan dekonekte 27 nan kamera ke ajans la te enstale nan sit nikleyè ke li deklare yo.

Iran ak 6 pwisans nikleyè, pami yo Grand Bretay, LaChin, LaFrans, Almay, LaRisi ak Etazini, te siyen Plan Daksyon Global ki te mete restriksyon sou pwogram nikleyè Iran an pou li ka jwenn yon soulajman nan sanksyon ke Etazini ak lòt peyi te mete sou li.

Benjamin Netanyahu Rankontre Konseye Lamezonblanch sou Sekirite Nasyonal, Jake Sullivan

Benjamin Netanyahu Rankontre Konseye Lamezonblanch sou Sekirite Nasyonal, Jake Sullivan
please wait

No media source currently available

0:00 0:02:03 0:00

Relasyon Etazini ak Izraèl ekspoze nan yon rankont Konseye Prezidan Biden nan sou kesyon sekirite Jake Sullivan ak prezidan ak premye minis Izrael.

Load more

XS
SM
MD
LG