Lèzetazini, La Grann Bretay avèk Larisi ap fè preparasyon pou yo kite anplwaye yo retounen nan travay malgre pandemi KOVID-19 la kontinye pwopaje nan peyi sa yo.
Prezidan ameriken an, Donald Trump, ki t ap fè kòmantè sou dosye a nan jounen lendi 11 me 2020 an, deklare Lèzetazini rive reyalize anviwon 300 mil tès kowonaviris pa jou e anvan lontan chif total la pral depase 10 milyon tès reyallize; sa ki, dapre li, reprezante plis tès pase nan tout lòt peyi nan lemond.
Yon otorite wo-plase nan adminitrasyon Trump la, ki t ap pale avèk laprès nan menm jounen lendi a, fè konnen yon nouvo tès ak antijèn -ki deja jwenn apwobasyon yon konpayi ki rele QUIDEL- pral akselere pwosesis tèt la plis toujou, paske sa tès sa a ap chache se tou senpleman-prezans pwoteyin viral nan nen moun, kontrèman avèk tès ak asid nikleyè a ki, limenm, se yon pwosesis ki pi konplike e ki mande plis tan pou reyalize.