Accessibility links

Breaking News

Kovid: Konprime Pfizer Bay Rezilta Pozitif Kont Varyan Omicron


Virus Outbreak Vaccine Anniversary

Konpayi famasetik Pfizer anonse ke yon konprime li fabrike, e ki nan faz preliminè sanble li bay rezilta pozitif kont varyan Omicron an.

Responsab fabrikan medikaman ameriken-an fe konnen rezilta yon etid li fè sou mil 200 moun konfirme ke konprime Pfizer fabrike-a kapab kontrekare viris-la, jan ekspè yo te prevwa-a.

Medikaman-an redwi 89% nan ospitalizasyon ak ka lanmò pami granmoun ki vilnerab yo.

Konpayi-a anonse tès laboratwa yo fè separeman montre ke medikaman-an kenbe foss de frap li anfas varyan Omicron an. Fabrikan medikaman Etazini-an di tès antiviral ki fet an menm tan ke yon vèsyon moun fabrike kont yon pwoteyin Omicron itilize pou repwodwi tet li.

Kovid: konprime Pfizer bay rezilta pozitif kont varyan Omicron
please wait

No media source currently available

0:00 0:02:14 0:00

Mizajou sa-a tonbe nan moman kantite malad ki kouche sou kabann lopital ak sila yo ki deja mouri anba pndemi-a pa sispann vale teren e nan moman Etazini deja resanse anviwon 800 mil ka lanmò, dènye ogmantasyon maladi Kovid-19-la, ki pote varyan Delta-a, ap gaye san gade deyè akoz sezon fredi-a, kote fanmi ak zanmi gen plis tandans pou rasanble andedan kay, menm lè responsab lasante yo ap debouye yo kou mèt Jan Jak pou konfonte mitasyon varyan Omicron an.

Ajans Etazini pou kontwòl manje ak medikaman gen pou’l determine anvan lontan si wi ou non li pral bay otorizasyon pou itilizasyon konprime Pfizer-a ansanm ak konprime konpayi famasetik Merck kit e soumet pa li-a bay sipervizè FDA yo plizyè semèn anvan sa.

Si ajans pou kontwol manje ak medikaman-an bay dizon li sou kesyon-an, konprime sa yo pral tounen premye remed kont Kovid-19 ameriken kapab al chache nan famasi pou bwè lakay yo.

Deklarasyon Pfizer bay sou medikaman pa li-a kapab mete regulatè yo an konfyans sou avantaj pwodwi pa li –a, paske pousantaj reyisit pa li pi gwo pase rezilta konpayi Merck-la apre faz final ese pa li yo.

Nan fen mwa pase-a, responsab konpayi famasetik Merck te fe konnen konprime li fabrike-a redwi 30 pousan nan ospitalizasyon ak ka lanmò limenm.

XS
SM
MD
LG