Prezidansyèl nan Kosta Rika : Fabricio Alvarado (PRN) Devan nan Dekont yo
Ekip Sèvis Kreyòl VOA
Yon elektè ki t ap depoze bilten li pandan eleksyon prezidansyèl la nan San José, kapital Kosta Rika, dimanch 4 fevriye 2018 la.
Prezidansyèl nan Kosta Rika : Fabricio Alvarado (PRN) Devan nan Dekont yo
WASHINGTON, DC —
Nan Kosta Rika, Fabricio Alvarado, kandida a la prezidans pou Pati Restorasyon Nasyoal la (yon pati ekstrèm-dwat) ap mennen nan dekont vwa yo aprè eleksyon prezidansyèl ki dewoule dimanch 4 fevriye 2018 la, men avans li a pap sifi pou evite yon 2èm tou. Li se yon chantè kretyen, yon prezantatè nouvèl nan televizyon e li pa kache opozisyon li kont maryaj ant 2 moun menm sèks.
Patizan kandida Fabricio Alvarado (Pati Restorasyon Nasyonal la (PRN) nan San José, Kosta Rika, panan yon deba ki te dewoule le premye fevriye 2018 la anvan eleksyon prezidansyèl dimanch 4 fevriye a.
Nan moman responsab yo nan Tribinal Elektoral Siprèm nan fin konte 70% vòt yo, Fabricio Alvarado ranpòte 25% vwa yo, tandiske rival ki pi pre l la, Carlos Alvarado Quessada (kandida Pati Aksyon Sivik ki sou pouvwa a), ranpòte 21% vwa yo. Obsèvatè yo atann yo aske Tribinal Elektoral la pibliye rezilta yo pou premye tou an anvan fen jounen lendi 5 fevriye a.
Kandida Pati Aksyon Sivik la (PAC) Carlos Alvarado, ki tap bay yon patizan lamen anvan li t al depoze bilten li nan San José nan eleksyon 4 fevriye 2018 la.
Sondaj yo montre 2 tyè sitwayen kostariken yo pa dakò ak maryaj ant 2 moun menm sèks, menm si jan de maryaj sa yo legal nan peyi Ajantin, Brezil, Kolonbi, Irigwe avèk Meksik. Gen 3 milyon 300 mil kostariken ki elijib pou yo vote. Pi fò nan yo se manm relijyon katolik women e se moun yo ki trè konsèvatè
