Accessibility links

Breaking News

Kore di Sid ap Kontinye ak Egzèsis Militè yo


Kore di Sid ap Kontinye ak Egzèsis Militè yo

Kore di Sid tanmen yon nouvo seri egzèsis militè, e konsa li ranfòse dispozisyon li pran pou l rete sou le kiviv e pare pou l reponn tout agresyon Kore di Nò.

Bato ki fè pati fòs naval Kore di Sud kò̈manse mèkredi 22 desanm 2010 la, yon seri de egzèsis k ap dire 3 jou tou pre kòt ès peyi a ; youn nan objektif mouvman sa a se detekte tout tantiv enfiltrasyon sou maren nò-koreyen yo.

A pati de jedi 23 desanm 2010 la, avyasyon militè ak lame de tè Kore di Sid pral lanse pi gwo egzèsis y ap fè ansanm nan peryòd sa a nan ane a (an palan de sezon Iveè a), e egzèsis sa yo pral dewoule sou yon distans 20 kilomèt sèlman nan sid fwontyè 2 Kore yo kote tou lè 2 peyi yo genyen yon gwo konsantrasyon fòs militè.

XS
SM
MD
LG