WASHINGTON, DC —
Preparatif final yo ap kontinye pou yon rankont istorik fèt ant lidè 2 Kore yo vandredi 27 avril 2018 la. Nan maten lidè Kore di Nò a, Kim Jong Un, pral travèse fwontyè a pou l ale nan vilaj Panmunjom, sit istorik kote yo te siyen amistis ki te mete fen nan Lagè Kore a an 1953.
M. Kim pral rankontre ak lidè sid-koreyen an Moon Jae-in sou pati sid fwontyè a nan yon zòn demilitarize ki gen gwo sivesyans militè. Se 3èm somè entè-koreyen; men se 1e fwa lidè Kore di Nò kominis la ap antre nan Kore demokratik la. Somè 2000 la ak 2007 la te fèt nan Kore di Nò.