Accessibility links

Konpayi Amerikèn Pral Anplwaye 25 mil Veteran Lagè nan 2 zan

  • VOA Nouvèl

Premyè dam Lèzetazini an, Michelle Obama, anonse yon gwoup gwo konpayi amerikèn pran angajman pou yo anplwaye 25 mil veteran lagè ak madanm yo pandan 2 zan kap vini la yo

Premyè dam Lèzetazini an, Michelle Obama, anonse yon gwoup gwo konpayi amerikèn pran angajman pou yo anplwaye 25 mil veteran lagè ak madanm yo pandan 2 zan kap vini la yo.

Madan Obama fè anons sa a mèkredi 19 oktòb 2011 la nan yon gwo rasanbleman ki te reyini manm lame amerikèn nan nan vil Hampton, nan eta Vijini, kote li tap mennen kanpay ansanm avèk mari li, Prezidan Barack Obama, ki tap mete fen nan yon tounen 3 jou nan 2 Eta, Kawolin di Nò ak Vijini.

Premyè Dam Michelle Obama di:

“Pami konpayi ki pran angajman sa a, genyen 270 gwo antrepriz tout kalite e tout gwosè; sa fè mouvman sa a tounen pi gwo efò kowòdone sektè prive a fè depi dè zane pou l anplwaye veteran lagè yo.

Angajman sa a ap ede nou fè yon tyè nan wout kap pèmèt nou reyalize objektif defi Prezidan an mete devan sektè prive a pou l anplwaye 100 mil veteran ak madanm ansyen sòlda yo anvan fen ane 2013.”

Prezidan Barack Obama te ale nan Vijini ak Kawoolin di Nò pou l fè pwomisyon pou yon plan kreyasyon tavay li mete devan kongrè a. Misye Obama te pwofite rasanbleman vil Hampton nan pou l repete apèl li te lanse bay manm kongrè a pou yo fè deba separe, moso pa moso, sou diferan pati plan an aprè tout dokiman an ankè pat rive jwenn yon vòt pozitif nan Sena a semèn pase a.

XS
SM
MD
LG