Accessibility links

Breaking News

Chanm Depite Lèzetazini an Apwouve yon Bidjè Depans pou Yon Trilyon 300 Milya Dola


Prezidan Chanm Depite Lèzetazini an, Paul Ryan, ki tap bay yon konferans pou laprès kote li pale sou bibjè depans la (Foto: AP Photo/J. Scott Applewhite - Jedi 22 mas 2018).
Chanm Depite ameriken an apwouve, jedi 22 mas 2018 la, yon bidjè depans ki monte rive 1 trilyon 300 milya dola. Se yon pa an avan sou wout ki ka anpeche gouvènman federal la fèmen. Lachanm apwouve lejislasyon an ak 256 vwa POU e 167 vwa KONT.

Kounye a bidjè depans gouvènman federal ameriken an prale devan Sena a ki gen jiska vandredi a minui pou li apwouve li e evite an menm tan yon 3èm fèmti gouvènman an pou ane sa a. Chanm Depite a apwouve lejislasyon an kèk èdtan aprè otorite yo te pibliye dokiman an mekredi swa. Dokiman an genyen 2200 paj.

Paske pwopozisyon-lwa sou bibjè a se byen kapab dènye lejislasyon enpòtan ki pase nan Kongrè a pou ane sa a, palmantè tou 2 pati yo te redi anpil pou yo mete ladan n pwopozisyon sou depans yo chak ta renmen wè kò lejislatif ameriken an apwouve pou Eta pa yo.

XS
SM
MD
LG