Accessibility links

Breaking News

Kòmandan Twoup Etazini nan Afghanistan an Akize Iran Deske l' Ap Ede Militan Taliban Yo


Kòmandan Twoup Etazini nan Afghanistan an Akize Iran Deske l' Ap Ede Militan Taliban Yo

Jeneral ameriken Stanley McChrystal di jounalis yo nan Kaboul, kapital Afghanistan, li konprann antanke vwazen Iran genyen yon enterè natirèl nan Afghanistan. Men li di pou kounye a relasyon sa a pa kòrèk

Pi gwo kòmandan ameriken nan Afghanistan an, jeneral Stanley McChrystal, deklare "gen bon jan evidans" ki montre Iran ap founi konbatan taliban yo zam e ap antrene yo nan peyi a ke lagè ap sakaje. Jeneral Stanley McChrystal di jounalis yo nan kapital afghan an, Kaboul, li konprann ke antanke vwazen Iran genyen yon enterè natirèl nan Afghanistan, men li ajoute pou kounye a relasyon sa a pa kòrèk... e ke fòs koalisyon an ap travay sou pwoblèm sa yo epi meten yon pwen final nan yo nan lavni.

McChrystal di "mwen panse ke nan anpil domèn asistans yo bay la ak relasyon an se yon bon bagay. Sepandan, gen evidans klè sou aktivite Iran yo—nan sèten ka, yo founi zam e y'ap antrene taliban yo, se pa yon bagay apwopriye".

Gouvènman iranyen an toujou demanti akizasyon peyi oksidantal yo ki di lap apiye rebelyon an nan Afghanistan.
Jeneral McChrystal fè ramake tou ke eleman etranje kap ede rebelyon an nan peyi a se yon lòt aspè nan pwoblèm nan an jeneral.

"Nou pa ka di rebelyon an nan Afghanistan se yon pwoblèm totalman etranje malgre genyen yon eleman etranje ladan, selon jeneral McChrystal. "Nou dwe panche n' tou sou kòz yo [ak] fristrasyon ki kale rebelyon an nan Afghanistan epi rezoud yo avèk moun ki leve kanpe kont gouvènman an".

Delege afghan ki sòti toupatou nan peyi a koumanse rasanble nan Kaboul pou tradisyonal asanble lapè prezidan Hamid Karzai la, Jirga a, pou yo chèche yon "consensus" sou fason yo dwe aji anfas rebelyon an.

Madan Fatima Aziz se yon manm palman afghan an nan pwovens Kunduz. Lap patisipe nan Asanble Nasyonal Konsiltatif Jirga Pou Lapè a kap dewoule semèn sa a.
Li di Lavwadlamerik dewoulman jirga a kounya-a, apre preske dizan konfli, pi difisil jodi a lè li konsidere kantite revandikasyon yo ak kantite faksyon rebèl ki genyen nan peyi a.

Jirga a kap dire twa jou, ap tanmen 2 jen e lap reyini mil 600 saj tribal ak lidè politik ki sòti nan tout kwen Afghanistan. 3 gwo kesyon ki pral debat nan Asanblea a se ak kilès gouvènman Karzai la dwe negosye nan kan taliban an, kote negosyasyon yo dwe dewoule e ki moun ki pral dirije negosyasyon yo pou gouvènman afghan an?

XS
SM
MD
LG