Accessibility links

Posib Rediksyon Santans Jacques Ketant

  • VOA Nouvèl

Prokirè federal nan Miami nan eta Florid mande yon jij pou l redwi mwatye nan yon santans 27 tan prizon tribinal te bay bawon-dwòg ayisyen, Jacques Beaudoin Ketant .

Prokirè a fè rekèt sa a pou rekonpanse Ketant poutèt te bay otorite ameriken yo enfòmasyon ki ede yo kondane plizyè otorite ayisyen ki te enplike nan trafif-dwòg.

Prokirè Lynn Kirkpatrick deklare ke Jacques Beaudoin Ketant, ki gen 48 tan, te ede tribinal ameriken jwenn koupab plizyè otorite ayisyen ki la pou fè respekte lalwa ak plizè ajan sekirite wo plase ayisyen ki te mele nan koripsyon ansanm ak plizyè gwo trafikan dwòg.

Jij Federico Moreno poko pran yon desizyon sou rekèt prokirè ameriken yo. Jij la di li bezwen plis enfòmasyon sou kantite byen Ketant te posede e ke gouvènman ayisyen an konfiske. Pami byen sa yo, genyen yon chato ak plizyè tablo ki koute chè.

Otorite yo fè konnen Jacques Beaudoin Ketant te voye Ozetazini 41 tonn kokayinn ki te pase an tranzit an Ayiti pran nan ane 1987 pou rive nan ane 1996.

Lè yon tribinal nan eta Florid t ap pran yon santans kont Jacques Beaudoin Ketant nan ane 2004, Ketant te fè konnen ansyen Prezidan Jean-Bertrand Aristide te fè Ayiti tounen yon « narco-eta. » Sepandan avoka Mesye Aristide yo -- ki baze nan eta Florid -- demanti akizasyon sila a.

XS
SM
MD
LG