Nan peyi Kenya , lidè opozisyon an, Raila Odinga, deklare pirat sou entènèt te fè anpil fwòd sou òdinatè komisyon elektoral la, e kòm rezilta, dekont vwa yo pou eleksyon prezidansyel ki fèk dewoule nan peyi a montre li byen lwen dèyè Prezidan Uhuru Kenyatta.
Sit Entènèt Komisyon Elektoral Endepandan an montre, nan mitan Jounen mèkredi 9 out 2017 la, nan moman responsab yo fin konte 94 pousan bilten yo, Prezidan Kenyatta ki ale dèyè yon 2èm manda. -- ap mennen ak 54 pousan vwa yo kont 45 %.
Prezidan konsèy elektoral la, Wafula Che-bukati, deklare li pa konnen si pirat te antre sou sit entènèt komisyon an pou jwe ak rezilta yo, men li pral ouvè yon ankèt sou sa.