Accessibility links

Reprezantan 195 Peyi Reyini nan Pari, Frans, pou Deba sou Finansman Lit kont Rechofman Planèt la

  • Ekip Sèvis Kreyòl VOA

Prezidan fransè a, Emmanuel Macron, pandan li tap ouvè sesyon plenyè somè "Yon sèl Planèt la" nan Boulogne-Billancourt, tou pre Pari, Frans, 12 desanm 2017 la.

Prezidan fransè a, Emmanuel Macron, rankontre ak kèk lòt lidè pandan jounen madi 12 desanm 2016 la, swa 2 zan jou pou jou aprè reprezantan 195 peyi te adopte Akò Pari sou Chanjman Klimatik yo –men fwa sa a se pou yo pale de lajan.

Nan lavèy Somè Pari a, obsèvatè yo ak patisipan yo lanse avètisman pou di, san yon kontribisyon 3 trilyon dola pou envesti nan efò pou gen enèji pwòp, objektif akò a –ki se kenbe rechochman global la a mwens ke 2 degre Celsius (swa 3 degre 6 Farenheit) pi wo ke nivo pre-endistriyèl la, ebyen objektif sa a pral rete yon rèv irreyalizab.

Direktris plan l’ONU pou lit kont Rechofman Planèt la, Patricia Espinosa, deklare: Aksyon politik sèlman “pap sifi si nou pa mete ajou epi relanse motè finansman global la, epi chache fè, avèk detèminasyon e san rete, efò kap bay yon devlopman dirab, men toujou ak yon nivo emisyon ki fèb.”

Prezidan ayisyen an, Jovenel Moise, ak prezidan fransè a, Emmanuel Macron, anvan yon rankont nan vil Pari, nan dat 11 desanm 2017 la.
Prezidan ayisyen an, Jovenel Moise, ak prezidan fransè a, Emmanuel Macron, anvan yon rankont nan vil Pari, nan dat 11 desanm 2017 la.

Apre adopsyon Akò Pari a an 2015 nan yon seremoni kote bravo te bat epi chanpay te koule --yon akò peyi yo te rive jwenn finalman gras ak konkou prezidan ameriken nan epòk la, Barack Obama-- ebyen, siksesè li a, Donald Trump, pwojte yon nyaj byen long sou pwosesis la ak desizyon li pran pou l koupe tout apui politik ak finansye Lèzetazini t ap bay.”

XS
SM
MD
LG