Accessibility links

Breaking News

Ayiti: Lansman Ofisyèl Pwogram Karavann Chanjman Prezidan Jovenel Moise la nan Nodès


Prezidan Ayisyen an Jovenel Moise pandan li tap lanse Karavann Chanjman an nan Nòdès peyi a, samdi 3 fevriye 2018 Foto : Jaudelet Junior St. Vil.

Pandan anpil lòt vil depatman ann Ayiti ap tann debakman Karavann Chanjman an Prezidan Jovenel Moise pwomèt 7 fevrye 2018 kap vini an e jan lap pwone li a atravè peyi a depi lè li monte sou pouvwa, ebyen wikenn 3 ak 4 fevriye 2018 chèf leta a akonpaye ak plizyè ofisyèl nan gouvènman li an debake ak traktè, lodè, kamyon baskil pou lanse ofisyèlman travay asenisman ak konstriksyon kanal irigasyon nan Nòdès.

Bò kote pa yo, moun nan Nò ap tann rive karavann nan ki fiske pou 7 fevrye kap vini la. Plizyè semèn avan sa a, lokatè Palè Nasyonal la te debake anba lapli nan Okap kote li te remèt bay otorite lokal yo plizyè materyèl lou pou pwogram asenisman karavann nan.

Sepandan pwogram konstri kanal la pat sonnen twò byen nan zòrèy plizyè abitan nan vil Okap ki te sè toblije desann nan lari pou manifeste lè yo te aprann leta kabap demoli kay yon fason pou fè wout pou kanal.

Pwogram Karavann Chanjman Prezidan Moise la, opozisyon politik la tojuou ap kritike a kòmkwa se lajan leta kap gaspiye nan pwogram sa a, jwenn sipò BID, Bank Entè-Amerikèn Devlopman. Karavann nan te deja lanse nan Latibonit ak kèk lòt kote nan Sid peyi a.

XS
SM
MD
LG