Accessibility links

Breaking News

Jou Mondyal Manje


Responsab nan FAO, Òganizasyon pou Agrikilti ak Manje fè konnen grangou rete twò wo nan lemond, malgre latè chaje ak manje e malgre pri manje bese.

Nan okazyon Jou Mondyal Manje a nan katye jeneral FAO a nan Wòm, Itali, otorite yo fè konnen yon afè 925 milyon moun toupatou sou latè ap viv nan yon eta grangou ak malnitrisyon ki toujou la a.

FAO ajoute ke pwodiksyon manje pwal gen yon ogmantasyon 70% pou reponn ak bezwen moun sa yo.

Direktè FAO a, Jacques Diouf, fè konnen pwoblèm manje a poze paske lemond manke envesti nan agrikilti nan peyi an devlopman yo.

Prezidan Rwanda a, Paul Kagame, ki t ap pale nan Wòm mande pou gouvènman yo double efò pou elimine mwatye nan grangou nan lemond pou pita nan ane 2015.

Yon rapò ki soti nan FAO, sa a pa gen lontan, fè konnen 22 peyi ap fè fas ak kriz grangou ki la a depi lontan.

Yon lòt kote, sekretè deta ayisyen pou pwodiksyon animal nan ministè agrikilti, Dr. Michel Chancy reyaji semèn sa a sou deklarasyon ONG “Aksyon kont Lafen” ki fè konen pwblèm malnitrisyon an agrave nan kaptal ayisyèn nan.

Mesye Chancy rekonèt gen yon deteryorasyon nan sitiyasyon alimentè a nan Pòtoprens apre tranblemanntè 12 janvye a.

Sepandan, li di gen gwo pwogrè yo anrejistre nan pwogram kantin skolè a. Dr. Michel Chancy ap reponn kesyon jn Pierre leroy.

Klike sou ikòn MP3 ki anwo e adwat atik sa a pou w koute repòtajJean Pierre Leroy.

XS
SM
MD
LG