Accessibility links

Breaking News

Vandredi Sen an Nan Jerizalèm - Melanj Relijyon ak Politik


Nan okazyon Vandredi Sen an, yon aktè ki reprezante Jezi Kri ap pote yon kwa nan dramatizasyon lanmò Kris la (Krisifiksyon) naan Jerizalèm. Pwosesyon an ap deplase sou wout ki rele an laten "Via Dolorosa" (ou Wout Ladoulè a) pou l ale nan Legliz Tonbo Sen an ki, daprè la tradisyon, se anplasman kote yo te kloure Jezi sou yon kwa.
Pèlren ki sòti toupatou atravè lemond rasanble pa bann e pa pakèt nan yon ti riyèl tou piti ki fè pari wout ki rele an Laten "Via Dolorosa" -oubyen Wout Ladoulè a- pou yo patisipe nan pwosesyon tradisyonel ki toujou make jounen Vandredi Sen an.
Nan Latè Sent la, relijyon ak politik melanje preske tout tan. Selebrasyon La Pak la rive 6 semèn anvan dat kote Lèzetazini gen pou l wete anbasad li nan Tel Aviv epi al plase li nan Jerizalèm.
Palestinyen yo pa kontan ditou poutèt anbasad amerikèn nan pral kite Tel Aviv pou l al ouvè nan Jerizalèm, selon yon desizyon Prezidan Donald Trump te anonse. Daprè Palestinyen yo, Jerizalèm se kapital yon eta yo pral fonde nan lavni.
XS
SM
MD
LG