Sipòtè a, yon dam ke yo te rele "Fi Bleu" akoz koulè klib li te sipòte a, Esteghlal FC, te chache antre nan yon estad kote li te degize an gason. Lanmò li te fè gwo bri, kote anpil moun te mande pou entèdi Iran nan match entènasyonal e pou bòykote match li yo.
FIFA te fè presyon sou Iran depi plizyè lane pou l ka ouvè estad li yo bay fanm antre, men jiska 2019, se sèlman yon ti kantite limite fanm ke Teheran te otorize asiste kèk match, pou pi plis yon afè mil sipòtè an 2018.
Match ant Iran ak Irak toujou enterese anpil moun nan popilasyon an akòz lagè ki te dewoule ant 2 peyi yo ki te tanmen 1980 e te bout an 1988, yon konfli ki te pran lavi yon milyon moun e fè anpil destriksyon.
