Inyon Ewòp la elaji kad sanksyon li pran kont Siri yo (sanksyon nan domèn finans ak vwayaj) e li kondane operasyon sere-boulon brital gouvènman siryen an lanse kont militan k ap pwoteste kont rejim an plas la.
Inyon an fè parèt vandredi 24 jen 2011 la yon anons kote li di li jele tout avwa 7 lòt gwo konpayi peyi Siri ak moun k ap travay pou yo, menm jan li entèdi moun sa yo vwayaje nan peyi manm Inyon an.
Sa fè lis sitwayen siryen ki tonbe anba sanksyon sa yo monte rive 34 --pami yo nou jwenn prezidan siryen an, Bashar al-Assad.