Prezidan ameriken an, Donald Trump, deklare madi 31 jiyè 2018 la, si gouvènmn federal la fèmen, se t ap yon ti pri pou sitwayen yo peye pou yo fòse Kongrè a apwouve kontwòl ki pi solid nan domèn imigrasyon an. M. Trump di: " Mwen pa bezwen konnen ki konsekans politik sa kapab genyen... "
Prezidan Trump, ki t ap ekri sou kont Twitter li, fè konnen: "Ki mele m ak konsekans politik yo. Lwa imigrasyon nou yo ak sekirite fwontyè nou yo se yon veritab dezas depi plizyè dizèn ane; e pa gen oken mwayen pou n fòse Demokrat yo aksepte yon solisyon pou sitiyasyon an, eksepte si gouvènman an fèmen."
M. Trump ajoute: "Sekirite fwontyè nou se sekirite nasyonal nou. Sekirite nasyonal se garanti ki nesesè pou peyi nou an kontinye ekziste a lon-tèm. Yon fèmti gouvènman an ka debouche sou "yon Etazini ki gen sekirite ak pwosperite." https://twitter.com/realDonaldTrump/status/1024347406887014404 … https://twitter.com/realDonaldTrump/status/1024347409483292672 ….
Se 3èm jou youn apre lòt kote Prezidan Trump fè presyon sou Kongrè a pou l apwouve alokasyon lajan pou konsttiksyon yon miray sou fwontyè ant Lèzetazini ak Peyi Meksik ki, daprè li, kapab bloke imigrasyon ilegal. Sepandan, pandan 2 fwa nan mwa jen an, divizyon ki genyen nan mitan blòk repibliken majoritè a nan Chanm Depite a, mete sou yon opozisyon solid bò kote Demokrat yo, te rejte tout refòm nan sistèm imigrasyon an ke Prezidan Trump apiye -pami demand prezidan an palmantè yo refize, gen yon sòm 25 milya dola pou konstriksyon miray la.