Yon gwoup k ap defann dwa moun lanse apèl bay konbatan opozisyon an nan pati lwès Libi pou mande yo pwoteje popilasyon sivil la nan vil ak vilaj ki anba kontwòl yo, epi pran responsablite e rann kont pou zak piyaj, zak dechoukaj ak lòt abi nouvèl yo di konbatan sa yo komèt.
Human Rights Watch –yon gwoup defans dwamoun ki baze nan New York- ekri mèkredi 13 jiyè 2011 la pou l di konbatan opozisyon an ak patizan yo nan Libi fè dega nan pwopriyete prive, yo piye lopital ak kay, epi yo bat moun ki an favè rejim lidè Moammar Gadhafi a.