Accessibility links

Breaking News

Etazini-Politik: 2èm Deba Kandida Demokrat yo: Ansyen Vis Prezidan Biden ak Senatris Harris Domine Sware a


Deba kandida a la prezidans demokrat yo nan Miami, Eta Florid, nan sware jedi 27 jen 2019 la.

Ozetazini, nan 2e. deba nan 2 jou kandida a la prezidans demokrat yo fè nan vil Miami, nan eta Florid, nan sware jedi 27 jen 201 la, ansyen vis prezidan Joe Biden te okipe plas mitan an kote piblik la tte ka wè li pi byen pase tout lòt patisipan yo; men youn nan advèsè prensipal li yo, Senatris Kamala Harris, te byen kategorik lè l t ap mete an kesyon relasyon Misye Biden avèk palmantè segregasyonis yo sa gen 40 tan, plis le fèt ke li pa t dakò ak politik ki te mande entegrasyon tout ti moun lekèl pou konbat diskriminasyn rasyal.

Ansyen Vis Prezidan Joseph R. Biden ki te pran lapawòl nan 2èm deba kandida demokrat yo nan Miami, jedi 27 jen 2019 la.
Ansyen Vis Prezidan Joseph R. Biden ki te pran lapawòl nan 2èm deba kandida demokrat yo nan Miami, jedi 27 jen 2019 la.

Madam Harris, ki reprezante Eta Kalifòni nan Kongrè a, te vire gade misye Biden pou l di l "mwen pa kwè ou se yon rasis." Sepandan Senatris Harris te pwovoke bravo piblik la avèk yon deklarasyon kote l te di sa te blese l anpil lè Misye Biden te fè konnen, sa pa gen lontan, lè l te yon jenn senatè li te travay ansanm avèk kèk palmantè sidis ki te apiye segregasyon pou l te ka fè kèk lwa pase. Joe Biden te reponn: "Sa se yon defòmasyon sou tout la liyn pozisyon mwen te pran sou kesyon an. Mwen pa janm fè lwanj pou rasis."

Kandida a la prezidans, Sen. Kamala Harris (D-Kalif.).
Kandida a la prezidans, Sen. Kamala Harris (D-Kalif.).

Senatris Kalifòni an te reprann kareman pou l mande misye Biden: <<Eske w rekonèt ou te fè yon move bagay lè w pa t dakò ak politik pou timoun lekòl tout koulè pran bis ansanm pou yo ale nan menm lekòl?" E Madam Harris te ajoute: "Se politik sa a menm ki te pèmèt mwen frekante lekòl ki te resevwa ni timoun blan ni timoun nwa lè m t ap grandi." Pi lwen nan deba a, ansyen prezidan Biden te defann dosye li kòm yon moun ki travay di pou defann dwa sivil tout sitwayen; men li pa t eksplike pozisyon li kont politik entegrasyon tout elèv nan bis ki te dwe mennen yo lekòl.

Pami lòt patiipan yo te genyen Senatè Ete Vermont, Bernie Sanders; Senatè New York, Kirsten Gillibrand; Senatè Kolorado, Michael Bennet; ansyen gouvènè Eta Kolorado, John Hickenlooper;; Depite Kalifòni Eric Swalwell; entreprenè Andrew Yang avèk ekriven Marianne Williamson.

XS
SM
MD
LG