Prezidan Jovenel Moise rankontre Pap Franswa nan Vatikan vandredi 26 janvye 2018 la. Dapre Anbasadè Ayiti nan Vatikan Carl Henri Guito, lidè ayisyen an te gen pou l chita-pale tou ak lòt lidè nan Legliz katolik, gouvènman Italyen an pami yo prezidan Sergio Matarella ak Prezidan Konsèy Minis la Paolo Gentiloni Silveri.
Delegasyon an, ki gen ladann fanmi prezidansyèl la Premyè Dam repiblik la Martine Moise ak pitit li yo ak plizyè lòt gwo otorite ayisyen, pami yo kèk palmantè pwòch pouvwa a. Delegasyon ayisyèn nan ap retounen ann Ayiti dimanch 28 janvye 2018 la. Yon te pran avyon pou Itali mèkredi ki te 24 janvye a.