Ann Ayiti: Desizyon Prezidan Jovenel Moïse pran 27 jiyè 2017 la, pou l fikse salè minimòm pou ouvriye sou-tretans yo a 350 goud, swa yon ogmantasyon 15 goud sou 335 goud Konsèy Siperyè Salè a te pwopoze a kontinye pwovoke reyaksyon an dedan peyi a ak nan dyapora a.
Sendika ouvriye yo, ki konsidere desizyon chèf leta a kòm yon pwovokasyon, anonse yon grèv manch long soti lendi 31 Jiyè pou rive 5 out 2017 la pou yo egzije 800 goud kòm salè minimòm ak lòt avantaj sosyal.
Nan vil Boston, yon òganizasyon moun andikape mande chèf leta a rankontre sektè konsène yo pou renegosye salè minimòm nan pou ouvriye k ap travay nan faktori sou-tretans yo dapre sa korespondan Lavadlamerik Wilson Dubuisson rapòte.
