Accessibility links

Breaking News

Ministè Lajistis Fè Konnen Lapolis Gen Enstriksyon Fòmèl pou Retabli Lòd nan Dezòd yo


Manifestan an kòlè kont ogmantasyon pri gaz la mete dife nan plizyè machin ki te estasyone devan otèl Best Western nan Pòtoprens samdi 7 jiyè 2018 la.

Tou suit apre diskou Prezidan Jovenel Moïse la ki mande pèp la antre lakay li e ke prezidan an tande revandikasyon li yo e li retounen sou desizyon l, pri gaz la pap monte jiska nouvèl òd, Ministè Lajistis soti yon nòt de près ki di, yo pase lapolis ap otorite ki anba kontwòl lajiatis yo enstriksyon fòmèl pou retabli lòd nan dezòd kap fèt atravè peyi a kote plizyè antrepriz prive nan Pòtoprens sibi gwo domaj anba men manifestan ankòlè

Reyaksyon pèp souvren sou anonse yon ogmantasyon pri gaz la ki ta pral lakoz kou transpò an komen yo ogmante koute lavi a 3 sitwayen ki mouri nan gwo dezòd ki eklate nan kapital ayisyen an kote kawotchou tap boule, wòch tap-tire ak kout zam depi nan vandredi 6 pou antre nan samdi 7 jiyè 2018 la.

Dezòd sa yo te sètoblije gouvènman kouri retounen sou desizyon pou l ogmante pri gaz la akoz manifestasyon vyolan yo kote moun yo fè konnen yo deja paka viv anba lavi chè a, vwa sil ta vin pi chè toujou.

Dapre plizyè obsèvatè sitiyasyon sa mete rejim Moïse/Ladontant an nan ti soulye l kote lap eseye satisfè your nan rekòmandasyon Fon Monetè Entènasyonal FMI, ki mande l sispann sibvansyone gaz la sou mache lokal la. Prezidan Jovenel Moïse tout vwa reyafime volonte li pou reponn ak revandikasyon pèp la pandan li di yo se imaj sa nou dwe van lemond. Li mande tout moun antre lakay yo pou lapolis ak lajistis kapab okipe lari a.

XS
SM
MD
LG