Accessibility links

Breaking News

Ayiti: Lapolis Deloje yon Gwoup Militè Demobilize nan Pelig


Lapolis arete epi mete deyò yon gwoup milite ki te nan yon ansyen baz FADH nan Plato Santral. Mesye sa yo ki gen inifòm militè sou yo tap fèt tèt yo pase pou manm nouvo ame a. Foto koutwazi :MAren Givens.

Lapolis deloje epi arete plizye militè demobilize nan Hench. Gwoup ansyen militè sa yo, ki te okipe yon ansyen baz Fòs Ame D'Haiti (FAD'H) nan zòn Pelig, Depatman Sant, t ap fè tèt yo pase pou manm nouvo lame d Ayiti refòme a.

Militè sa yo pa t respekte yon nòt ministè entereyè a ki te di "sèl moun ki gen dwa pote inifòm militè, se manm lame ki an fonksyon kounyela a sèlman" pou n site jounalis afilye Lavwadlamerik Maren Givens.

18 novanm 2017, gouvènman Moïse/Lafontant an te lanse ofisyèlman kreyasyon lame Dayiti. Sepandan, Etazini ki youn nan pi gwo patnèt entènasyonal peyi Dayiti te di li pa entèrese nan finansman yon nouvèl fòs zame Dayiti.

Toutfwa, responsab ameriken yo fè konnen yap kontinye sipòte enstitisyon polis la ki gen anviwon 15 mil man. Ansyen lame Dayiti FADH te demobilize sou Prezidan Jean Bertrand Arisitie nan ane 90 yo.

XS
SM
MD
LG