Accessibility links

Breaking News

Diskou Minis Afè Etranjè Ayisyen an Antonio Rodrigue Devan 48èm Asanble Òdinè OEA a


Minis Afè Etranjè Ayiti a Antonio Rodrigue

Minis Afè etranjè Ayiti a Antonio Rodrigue pran lapawòl lenid 4 jen 2018 la devan 48èm asanble jeneral òdinè Oganizasyon Eta Ameriken yo OEA nan Washongton DC kote li defann plan gouvènans rejim Moïse/ Lafontant an pozisyon Ayiti fas ak kriz politik peyi Venezyela a.

Minis la mande OEA pou l sipòte Ayiti nan jefò lap fè pou amelyore kondisyon anviwonman an yon fason pou rive redui dezas natirèl yo nan peyi a ki jiskaprezan poko fin kanpe debou apre dènye move tan yo.

Chèf diplomasi Ayisyèn nan ajoute pou l di gouvènman an mete sou pye yon estrateji devlopman ki rele Karavann Chanjman ki gen pou objektif rive amelyore kondisyon vi pèp la nan 5 kan kap vini la yo. Amelyore anviwonman an peyi a se youn nan priyorite gouvènman Moïse/Lafontant dapre Minis afè etranjè a Antonio Rodrigue.

Sou sa ki gen rapò ak kriz Venezyela la, minis la di pozisyon Ayiti se pou yon solisyon pasifik o Venezyela san entèferans ak enjerans lòt eta manm OEA yo.

Minis Rodrigue mete aksan tou sou eta jenewo sektoryèl Prezidan Jovenel Moïse la li di ki se yon mwayen pou kreye yon dyalog nasyonal ak tout pitit peyi Dayiti.

please wait

No media source currently available

0:00 0:09:02 0:00


XS
SM
MD
LG