Accessibility links

Breaking News

Anons Ogmantasyon Pri Gaz la Deja Lage Enkyetid nan Mitan Popilasyon Jeremi an


Moun kap tann pou yo achte gaz nan yon ponp nan Pòtoprens. Foto achiv: 11 avril 2008. REUTERS/Eduardo Munoz (HAITI) -

Nouvèl ki ta fè kwè ke pri gaz la pral ogmante pi plis toujou, fè gen anpil kòmantè kap fèt nan Jeremi, yon sitiyasyon ki soulve anpil mekontantman e mete anpil enkyetid nan mitan popilasyon an avèk bò kote pwopriyetè ki nan sektè transpò piblik nan depatman an.

Anpil pwopriyetè veyikil ak jèn yo ki se manm asosiyasyon chofè taksi motosiklèt mande chèf leta Prezidan Jovenel Moïse pou l fè yon reflechi anvan l pran desizyon sa a ki kapab gen anpil move konsekans nan peyi a.

Selon pòt pawòl asosyasyon chofè taksi motosiklèt yo, yon jèn ki pa vle yo site non l fè konnen, si gaz la monte sa pral di pou pasaje yo e yon menm chofè taksi motosiklèt yo ebyen yo pap ka jwenn kous, nan sans sa a; li mande pou tout moun fè yon leve kanpe pou bloke desizyon sa a. Li voye yon mesaj pay Prezidan repiblik la Jovenel Moïse pou l di si chèf deta monte pri gaz la se retire lap retire lajan nan pòch popilasyon an.




XS
SM
MD
LG