Accessibility links

Breaking News

You Gwoup Timoun Ayisyen Sitwayen Fransè Adopte Rive nan Pari


Yon paran adoptif k ap pote ti pitit ayisyen l nan bra nan èpot la nan Lafrans

Kèk fanmi fransè resevwa kado nwèl yo bonè ane sa a lè yon premye gwoup plis pase 300 timoun ayisyenyo adopte te debake nan vil Pari.

Timoun sa yo resevwa yon akèy wololoy nan Ayewopò Charles de Gaulle ki andeyò Pari e kote Minis Afè Etranjè fransè a, Michelle Alliot-Marie, te sou plas pou akeyi yo.

Ti Ayisyen yo te gen avèk yo nouvo paran fransè yo --pami yo genyen ki te rete tann plizyè mwa pou otorite yon an Pòtoprens te apwouve demand adopsyon yo.

Yon manman fransèz, Pascal, bay nouvo pitit-gason ayisyen n nan yon gwo bo, pandan li tap di yon radyo fransè li te rete tann 2 zan anvan li resi jwenn pitit la.

Tranblemanntè 12 janvye a te fè yon ti bloke pwosè adopsyon an, paske tout dokiman ki nesesè pou demach yo te abouti, te antere anba debri. Otorite ayisyen yo te vle evite tou trafik timoun apre yo te kenbe kèk misyonè ameriken ki tap eseye kite peyi Dayiti ak 33 timoun pi bonè ane sa a.

Genyen kèk ka tou kote timoun yo gen papa ak manman yo ann Ayiti ; se youn nan rezon ki fè ansyen Minis Afè Etranjè fransè, Bernard Kouchner, te pran tan l pou l te di dènye mo li sou kèk dosye adopsyon yo te mete devan n yo.

Depi Madan Alliot-Marie vin okipe pòs chef diplomasi fransèz-la, li mete gwo rapidite nan pwosesis la e pou sa li resevwa anpil konpliman nan men yon gwoup adopsyon timoun ki rele SOS Haiti Enfants Adoptés.

Prezidan gwoup la, Emmanuelle Guerry, pale ak lmdya fransè yo pou l di chanjaman ki fèt nan Ministè Afè Etranjè a nan vil pari pèmèt pwosesis la avanse pi rapidman.

Men gen lòt ekspè ki kritite adopsyon rapid sa yo ki, daprè yo, pa nan enterè timoun yo. N a retounen sou dosye sa a.

XS
SM
MD
LG